भोजपुरी रियलटी शो सुरसंग्राम में रीमा-संजीव के बिया ह कें बहाने जवन सांस्कृतिक सुर यात्रा के शुरूआत कइल जा रहल बा, उह ईटीवी, उत्तर प्रदेश के सभसे कामयाब भोजपुरी रियलटी शो फोक जलवा के बियाह स्पेशल के आगा पीढ़ा पऽ खड़ा होके ऊँच बनला के कोशिश आ फोक जलवा के सफल परिकल्पना के भंजावे के कोशिश लागत बा।

ए ह साल के शुरूआत में ईटीवी आपन फोक जलवा के शो में पाखी-निरूहुआ के बियाह के जरिये सभ रश्म के हिसाब से गीत गवनई से परिपूर्ण शो भोजपुरीयन के आगा पेश कइलस। एह प्रोग्राम के भोजपुरीयन बहुत ही पंसद कइलस लोग आ भोजपुरी टेलीविजन इतिहास में बाहुबली के बाद फोक जलवा (पूर्वांचल  एक्सप्रेस के सर्वे के मुताबिक, जवन जलदीए पंूर्वाचलएक्सप्रेस प प्रकासित कइल जाई) नं वन टीवी प्रोग्राम के तगमा हासिल कइलस।

फोक जलवा के सफलता के भुनावे के कोशिश में लागल सुर संग्राम के टीम, सफल परिकल्पना लेके फिरू भोजपुरीयन के सामने आ रहल बावे। जवन तहलका आ चरचा चारो तरफ पाखी आ निरूहुआ के बियाह फोक जलवा में भइला के भइल रहें आ लोग मजा ले ले के एह प्रोग्राम के लुप्त उठवले रहे लोग आ आपन पांरम्परिक रीती-रिवाज, बियाह के रश्म के प्रति प्यार दिखइले रहे लोग, ओही के भुनावे खातिर सुरसंग्राम आपन पुरा तैइयारी के साथे सुरसंग्राम के शो में रीमा वर्मा आ उनकर पति संजीव के साथे दुबारा बियाह पुरा रस्म के साथे शनिचर के दिने करावे जा रहल बा, इह एपिसोड में रीमा वर्मा आ संजय वर्मा के बियाह के लगन से लेके, हल्दी, मेंहदी, बारात, परिछावन, कन्यादान, सिन्दूरदान, कोहबर से लेके बिदाई तक के दृश्य देखावल जाई। प्रतिभागी लोग विधि के हिसाब से आपन गाना गाई लोग।

रीमा के कन्यादान के रस्म गजेन्द्र सिंह के परिवारिक मित्र कइलेन त माई मालिनी अवस्थी गठजोड़ के रस्म कइले बाडी, त रीमा के बड़ भइया मनोज तिवारी बनल बाडे़। एह बियाह में मेहमान के रूप में दीपानारायण झा आ लक्षमी नारायण त्रिपाठी कुछ बियाह के गीत गवले बा लोग।

एह सफल परिकल्पना पऽ कुछ लोगन के कहनाम बा-
पाखी हेगडे (अभिनेत्री) :- बहुत अच्छी बात है, एक सफल कॉन्सेप्ट को लेके फिर भोजपुरीया शादी-बियाह के पारंपरिक रस्मो को लोगो के सामने फिर लाया जा रहा है। इससे भोजपुरी समाज आ संस्कृति का विकास होगा। हमारी तरफ से पूरी सुरसंग्राम टीम को बहुत-बहुत बधाई।

मुन्ना पाठक (आरा) :- अच्छा बा, आ देखे के बा की सुर संग्राम के टीम कौना नियन भोजपुरीया बियाह के पारंपरिक रस्म पेश करत बा आ इह लोक संस्कृतिक खातिर स्वच्छ पतिस्पघाZ बा।

पिंटु सिंह (छपरा) :- अरे भाई इह त हम उमीदे करत रहनी ह, गजेन्द्र सिंह के रियलटी शो होए आ कौनो मशाला ना होए, रउआ जी टीवी के सारेगमा शो के ही ले ली, ओमे हिमेश रेशमिया चिल्लात रहेलन कि मुझे इसके घर में रोटी चाहिए। त भोजपुरी रियलटी शो में मशाला काहे ना डलतन।

:- कुलदीप श्रीवास्तव