बिग बॉस के कन्फेसोन्न रूम मे काल्ह मनोज तिवारी के आंखी में जवन विछोह के लोर सगरी दुनिया देखलस. ओसे सभे सन्न रह गईल.... खास क के भोजपुरिया लोग. अब ओह बात के पारिवारिक जिनिगी मे कवनो कारन होखे उ त निखालिस निजी बा....... बाकिर सार्वजनिक रूप से बिग बॉस के कन्फेसोन्न रूम मे नेह के जवन धार मनोज के आंखी से लोर बन के फूटल उ सभे देख के हायफ़ रहे..... सांच कही त अपना दरद आ पीड़ा के सहल त आदमी के नितांत व्यक्तिगत होला बाकिर कहल जाला कि दोसरा से कहला से पीड़ा कम हो जाला. हम त इहे कहब कि मनोज के लोर उनकरा बड़प्पन के बढ़ा देहलस. अपना पतनी रानी से विछोह आ बेटी के दुलार आ भविष्य एगो पति आ बाप मनोज तिवारी के अंतर्मन के झकझोर दिहलस. अब सवाल रह गईल के आखिर का बात बा कि अइसन नौबत आइल.... त ई त हमरो नइखे मालूम...... बाकिर हम त बस एतने कहब कि दुनु जाना के अपना भीतर झांक के पारिवारिक कटुता के दूर करे खातिर एगो सकारात्मक प्रयास करे के चाही..... ई दुनु लोग खातिर नीमन होई. कुछ महिना पहिले हम मनोज के घरे मुंबई गइल रही त उनकरा बैठका मे मनोज के हसत खेलत परिवार के फोटो लागल देखनी त हमार मन नेह के मजबूती देख के बहुत खुस भइल रहे...... बाकिर काल्ह मनोज के आंखी मे विछोह के लोर देखि के हमरो मन भारी...... हम त कामना करब कि मनोज के लोर पारिवारिक सुख के मुस्कान मे बदल जाये.

मनोज श्रीवास्तव
समन्वय संपादक
भोजपुरी संसार

तिवारी जी मुछो मुडवा लहलेहलन, पता न का राज बा एमे?