रउरा सभे के बतावत हमरा बड़ा खुशी हो रहल बा हमार बेव साइट गारी डॉट कॉम बन गइल दुनिया के नम्बर वन भोजपुरी वेब साइट । गुगल एनालटिक आ एलेक्सा के अनुसार हमरा गारी डॉट कॉम के ई मुकाम हासिल भइल बा। खैर एह में हमार कवनो ज्यादा योगदान नइखे इ सब रउरा लोग के प्यार के नतीजा ह। अइसे भी आजकल पूरा देश में गरिआवे वाला लोगन के संख्या अतना बढ़ गइल बा कि हमार गारी डॉट कॉम अपने आप हिट कर गइल। खैर आप लोगन के योग्यता के कमाल बा कि हमरा लगे महुआ चैनल से ऑफर आइल बा कि एगो गारी महासंग्राम शुरू कइल जाय एह संवंध में हम रवि किशन आ मनोज तिवारी से सम्पर्क कइले बानी उ लोग बड़ा उत्साहित भइल लोग, और कहलन कि ``इ प्रोग्राम ससुरा अच्छा चली``, एकदम गडदा उडा दी। पर हमला अभी भी तलाश बा, इह प्रोग्राम के संचालक के, पर अफसोस की एह पद लायक केहु मिलत नहीखे। जे बिना कौनो संकोश के केहू के इज्जत, कही पर उतार देव, जेकरा आपन का अपना समाज के भी ख्याल ना रहे। तबे इह शो हिट होई, हिट का सुपर हिट हो जाई।

देखीं ई सब रउरा सबके प्यार आ दुलार के कमाल ह।एगो सुचना रउरा के आउर दे दी कि सपा के भाई अमर सिंह, लालू यादव, भाजपा के एस.के. अहलू वालिया, राज ठाकरे नरेन्द्र मोदी भी हमरा के फोन कर के कहल लोग कि भाई जी राउर गारी डॉट कॉम त हमनी हमेशा यूज करीला इ सब लोग के आग्रह बा कि अब लात जूता गॉट कॉम शुरू होके के चाही खैर लागता कि नया साल में ई प्रोजेक्ट भी शुरू कर देवे के बा।